Ram Singh

Kamine Dost / Ram Singh

kamine dost desh ke un karodon chhaatron kee kahani hai jinke maataa-pitaa apane bachchon ki chhupee pratibhaa ka aakalan nahee kar paate aur apane sapano ko pooraa karane ke liye un par dabaav daalte hain. kaee baar hataash hokar unhe apane haal par chhod dete hain. yah kahaanee ek aise chhatr kee kahaanee hai jise bachapan me usake shikshak pitaa ne mandbudhi kaa tamagaa de diyaa thaa kyonki wah aath saal kaa hone ke baavjood bhee skool nahee jaataa thaa par usakee maa ko pooraa bharoshaa thaa ki usakaa betaa jaroor padhegaa aur ek din apane pitaa se bhee aage jaakar profesar banegaa. maa ke bharose aur pyaar ne bachche ke andar utsaah bhar diyaa aur wah pooree siddat ke saath lakshay ko haasil karane me jut gayaa. yah kahaanee kuchch aise hee chchaatron kee kahaanee hai jo banaaras hindoo university me saath saath padhe aur apane mukaam par pahunch gae. is upanyaas me chhaatr jeevan me aane waalee chunautiyon, lakshay haasil karane ki jid, samvedanaaon, jeevan ke uttar chadhaaw aur aapasee prrem kaa sajeev chitran hai yah kahaanee chchaatro ke liye preranaa shrot hai.